السلام عليكم................. معلش اعذرونى انى نزلت موضوع واحد من اول ما فتحف المدونة وكانت غيبتى طويلة شوية بس معلش بداية المدرسة والدراسة باه.......... وان شاء الله حنزل موضوع كل اسبوعين.......... ويا رب باه موجعش دماغكم وزهقكم من بوستاتى .......... حخش فى الموضوع علشان متزهقوش منى .......... البوست الى حتكلم فيه انهارده ممكن يكون فى ظاهرة يرى البعض انه ملهوش علاقه بالموضة والازياء بس الموضوع فى جوهرة يمس الازياء وله علاقة وثيقة كمان بيها .......... واول مجيتلى فكرة البوست دا فكرت فى العنوان دوت............... جال بخاطرى وشاهدته عينى .......... جال بخاطرى وشاهدته عينى حال الشباب فى الوقت الحالى من تفكير ورؤيه للموضةو لللبس ............ كنت بشوف من فترة كبيره اوىىىىىىىىىى طريقة لبس الشباب (ولاد وبنات)والالوان الغبيه الى نزله فى شتاء وصيف السنتين الى فاته وكمان صيف السنادى وشكله كده حيبقى موضة الشتا الى جاى كمان و ربنا يستر .......... بجد شوفت اللبس دا كتير بس اليومين دول جالى حالة استفزاز من الالوان الغبيه الى نزله السوق وبيقولوا عليها موضه .......... وكمان طريقة لبس الصبيان والبنات الى مبقتش تعرف تفرق مبينهم من لبسهم ..................هذكرلكم بعض الالوان دى الى كانت من فتره كده لو حد لبسها كنا بنالس ونعيب عليه زى ..مثلا:.الاصفر مع الاخضر ,الاصفر مع الفوشيا ,الاصفر مع الاحمر...........................طبعا باه مش حقولكم على عروض ازياء الطرح الى فى الشوارع الى هما يعنى بيسموها حجاب .......... دا اساسا مش حجاب دا اسمه هبل عارفين ممكن تلاقى بنت لفه 5 طرح مع بعض ومش كده وبس وكمان بيبقوا ستان..............ولا باه بناطيل البنات (الكراش )الجديدة دى مش كراش وبس دى كمان سقطه يعنى الغرب مش عجبه يبقى الولاد مسقطين بناطيلهم لا وكمان البنات .

نسيبنا باه من البنات ونيجى للولاد الى مبقاش فى فرق مبينهم وبين البنات ..................دول الشباب الى حيحررالقدس ويعمل على نهوض مصر.....................(وقال ايه مصر بتتقدم بينا ........... وكمان وقفة مصريه)ههههههههههههههههه...................... دا طالع تيشيرتات فيها (ترتر)تخيلوا راجل يلبس حاجة فيها (ترتر)وكمان بتلمع ...........وبيبقوا مشيين وفرحنين بالبناطيل الساقطة الى بيبقى باين منها حجات وحشة باه بلاش نوضح اكتر من كده وربنا يستر على شباب المسلمين...........وفرحنين (بالسبايكى )الى هما عملينه فى شعرهم واكنهم متكهربين قبل مينزلوا من البيت .....................يا جماعة انا بتكلم باسلوب استهزاء وهزاروتريقة شويه بس بجد من زهقى ما انا من الشباب دول هم جيلى وانا منهم بس اا بعترض على واقعنا المرير..........يا جماعة مفيش حاجة عدله فى بلدنا ... حتى الذوق بقينا نخده من ناس معندهمش اساسا ذوق .. وهم اوروبا والغرب عوزين يلوثوا افكارنا ويخلونا تابعين ليهم حتى فى ذوقهم .......... بعد ماكنا من اوائل الامم فى الحضارة والتقدم والذوق ........ بس كان زمان يا ريت الزمان يرجع من تانى.........ليه نخضع لفكرهم بننقدهم ونرجع نعمل زيهم ......... وجال بخاطرى وشاهدته عينى ......... رغم كثرة التكنولجيا ووسائل التقدم والثقافةرغم كده اننا مش بنفكر اننا مستقلين لينا عادات وتقاليد مختلفه عنهم وخاصة بينا احنا ........... عارفين انا عملت بحث كده على السريع قبل ما انزل البوست .......... وعرفت ان موضة تسقيط البناطيل دى الى ابتدعوها فى الغر ب هما ......... الشذوش جنسيا .... علشان يكونوا اكثر اختلافا عن باقى الناس ........ وبعد ما حنا باه نعرف كده حنفضل نقلد ونعمل زيهم من غير تفكير ...................يا ريت كل شاب منا يسئل نفسه السؤال دا ............ ويحاول يرد على نفسه : هل حنفضل نعمل زيهم من غير تفكير؟.

التاج ده جالى من مدونة شيفا و ربنا يستر باه ونعرف نرد على الاسئلة

بسم الله........ نبدا

السؤال الاول: ايه السعاده من وجهة نظرك ؟حاسس انك سعيد؟
1) السعاده من وجهة نظرى .......... انك توصل لاهدافك فى الحياة وتعرف تحققها زى ما انت عوز وبالشكل الى انتى كنت رسمه ليها وتحقق علاقة قوية بينك وبين الناس الى تعرفهم وبتحبهم وبيحبواك وكمان بينك وبين ربنا لان العلاقة دى هى الى حتخليك سعيد فى حياتك وتدفعك لتحقيق احلامك .......... اما انا سعيدة او لا فا انا وبكل صراحة والصراحة بصراحة راحة...ههههههههههههه....... للاسف مش سعيدة لانى حسه انى فيا حجات مش عارفه اغيرها وكمان مقصدره شوية فى علاقتى بربنا يا رب احسنها ادعولى .
السؤال التانى :امته حسيت انك ظلمت انسان وليه؟ ومحتاج للحظة غفران منه؟
2) ااااااااه جينا للحجات الى تزعل ليه كده بس يلا امرى لله حقول حعمل ايه هههههههه................. بجد والله انا مبحبش اظلم حد غير لما انا اكون مقتنعه انه هو ظلمنى بس اكيد ظلمت ناس .......... ومنهم حد كان عزيز عليا اوىىىىىىىى وما زال عزيز انا عرفت انى ظلمته بعد ما عملت كده بس عارفين اتضحلى انه كان يستاهل الظلم ده لانه بعد مظلمته معزرنيش لو كان بيحبنى كان سمحنى ولكنه حاول انه يردلى الظلم دا ........... يلا على العموم ربنا يهدينى ويسمحنى ويسمحه........... اما انى محتاجه منه لحظة غفران كنت محتاجه بس بعد الى عمله مبقتش محتجاله اساسا .
السؤال التالت:بتعمل ايه لما تكون مضايق بعد ما تصلى؟
3)السؤال دا غريب شوية ههههههههه......... علشان انا اساسا لما اصلى عمرى غالبا ما حكون لسه مضيقه
بس يلا نرد على السؤال علشان حسن ميزعلش انا فى حد بحب اوىىىىىى اتكلم معاه لما اكون مضايقه لدرجة انى لازم اعيط وانا بكلمه بس هو غالبا على طول بيهدينى وبيحللى المشكلة الى انا بكون مضايقة بسببهاوهو حبيب قلبى خالو عماد (مدونة الراجى عفو الله).
السؤال الرابع :امتى حسيت انك اتظلم؟وليه؟
4)بصراحة محصلش موقف كبير يعنى ممكن اذكره........... بس انا بحس انى اتظلمت لما يكون ليا راى فى حاجة تخصنى فى حياتى او درستى وحد يحجر على الراى ده او يكون شايف انه غلط ومش عايز اساسا يسمع راى او يقتنع بيه ........ بس الحمد لله مش بتحصل معايا كتير .
السؤال الخامس:ايه اكتر احساس بيرودك امام نفسك والاخرين؟
5)بامانة اكتر احساس بيرودنى الايام دى وبالذات انى لسه دخله مرحلة جديدة فى الدراسة ..وصحابى مش معايا فى نفس المدرسة .... حاسه انى لوحدى شوية بس ان شاء الله ححاول اعدى المرحلة دى واكون صدقات جديدة ....... وكمان حسه انى بحب الناس اوى كمان انى اقدر افرق بين اى حد كويس او مش كويس ........ عن زمان شوية كنت بثق فى الناس الى اعرفهم بسرعة ودى كانت حاجه مزهقانى اوى بس دلوقتى حسيت انى اقدر افرق بين الناس الى بتعرف عليه.
السؤال الخامس :امتى ممكن تتنازل عن حق من حقوقك ؟والسبب؟
6)انا مش بحب اتنازل عن حقوقى ودايما ببقى متمسكه بيها اوى ......... ومبحبش اتنازل لحد عنها ......... بس ممكن اتنازل عنها لحد محتجها اوىىىىىىىى اكتر منى او ممكن يستفيد بالحق دا اكتر ......... وكمان لحد بحبه اوى وياما اتنزلى عن حققه زى ماما وبابا طبعا ......... وزى ماقولت اقبل كده حبيب قلبى خالو عماد........ ولو فى حد حبيته وارتبط بيه طبعا حتنزله عن الدنيا كلها لو بحبه مش عن حقى بس.
بس كده والتاج خلص خلاص ...... معلشى انا عارفه انى رغيت كتير ووجعت دمغكم ............ بس معلش باه حسن هو السبب هو الى بعت التاج بجد بشكره على التاج الجميل ده كان سهل مش صعب زى ما انا اتوقعته .....
وكل تاج وانتم طيبين.
سلامى الخاص لاصدقائى المدونين الى بشوف بوستاتهم من بعيد لبعيد ....... وعوزة اتعرف عليهم.