الأربعاء، 1 أكتوبر، 2014

تنظيف البشرة

(طريقة مبسطة فى البيت لعمل تنضيف البشرة)

املى غلاية الكهربة ماية لحد نصها كدا
واما الماية تبدا تغلى وتطلع بخار افتحيها وجيبى فوطة وغطى بيها راسك مع الغلاية بحيث ان البخار كله يتجمع ع وشك وقررى غلاينها كل ما تحسى البخار بدا يخف ..لحد ما وشك يبقى مليان ماية اكنك غسلاه.

جيبى قطنه وامسحى وشك من الماية الى عليه ...ثم اغمسى قطنة اخرى بلبن وامسحى وشك لحد ماتبكل القطن تشيل اوساخ.

اعمل الماسك الاتى:
معلقة عسل نحل
معلقة زبادى
معلقتين دقيق

اخلطيهم وحطيهم ع وشك لحد ما ينشفوا اغسلى وشك بماء بارد .

الثلاثاء، 3 ديسمبر، 2013

بدائل طبيعية للمكياج




استغنى عن المكياج ببدائل طبيعيه متوفرة عندك ...


* بديل الكونسيلر: وهو عبارة عن شريحة من البطاطس الطازجة، نستخدمها في تدليك أسفل العين وتؤدى نفس الغرض بصورة طبيعية.

*بديل كريم الأساس: قطعة من القطن المبلل بالماء الدافئ، نمررها على وجهنا، وبعد 5 دقائق نغسل وجهنا جيدا ونمرر قطعة ثلج عليه، مما يؤدى إلى إغلاق المسام ويشد البشرة طول اليوم مهما كانت درجة الحرارة.

* أما بديل الـ"مسكرا": أحضرى علبة "ماسكرا" قديمة وضعى بها زيت خروع أو زيت زيتون، وضعى منها قبل النوم أو حتى قبل الخروج، مما يعطى كثافة للرموش ومعالجة لها في نفس الوقت.

*بديل الـ"بلاشر": خليط من دم الغزال وكريم مرطب للبشرة، يوضع على الوجه ثم يغسل سريعا، فيترك الخدود حمراء بشكل أكثر طبيعية.

*بديل الروج: نقطة عسل وليمون وإضافة عصير فراولة أو برقوق أو طماطم عليه، وندلك بها "الشفايف" قبل النزول، مما يترك الشفاة حمراء، ومع الاستمرار يصبغ الشفاة صبغة

_________________________________________________
shoshta

الخميس، 24 أكتوبر، 2013

نصيحة (2)... الجرجير والشعر .



3 وصفات لتطويل الشعر من الجرجير..........

يُعتبر الشعر الصحي الطويل أحد أحلام حواء الذي ترغب في تحقيقهِ خلال وقتٍ قصير، وتكاليفٍ مُنخفضة، وجهدٍ بسيطٍ أيضاً، فحواء دائمة البحث عن وصفاتٍ لتطويل الشعر وتكثيفهِ لذلك نجدها تتبع أحدث خلطات تطويل الشعرمن أجل أن تحظى بشعرٍ صحيٍ طويل .. نُقدِّم لكِ خلطات الجرجير الطبيعية لتطويل الشعر ..

الوصفة الأولى ..
المكونات: جرجير.
طريقة التحضير: خذي حزمة الجرجير ونظفيها جيداً من الأوساخ بالماء الجاري، ثم قومي بضرب الحزمة كاملةً داخل الخلاط الكهربائي حتى تتكون عجينة كثيفة، ضعي العجينة على شعركِ وإرتدي غطاءً بلاستيكياً لمدة 3 ساعات، 4 مرات أسبوعياً، ثم أُشطفي شعركِ بالماء وستُلاحظين كثافة ونعومة شعركِ، بالإضافة إلى إزدياد طول الشعر بحوالي 10 سم خلال شهرين.

الوصفة الثانية ..
المكونات: (جرجير-نصف كأس زيت جوز الهند دافئ-علبة زبادي).
طريقة التحضير: إغسلي حزمة الجرجير و ضعيها في الخلاط الكهربائي، ثم أضيفي إليها زيت جوز الهند الدافيء مع علبة الزبادي، وضعي الخليط على شعركِ ثم قومي بتغطيتهِ بغطاء بلاستيكي لمدة ساعة.

الوصفة الثالثة ..
المكونات: (جرجير-زيت ثوم-زيت زيتون).
طريقة التحضير: تُؤخذ حزمة الجرجير وتُعصر، وتُضاف لزيت الزيتون، وزيت الثوم، وتُترك يومان خارج الثلاجة حتى تتخمر ثم توضع في الثلاجة للحفاظ عليها عند الإستعمال، يُوضع الخليط على الشعر لمدة ساعتين مع تغطيتهِ بغطاءٍ بلاستيكي.

وأنا كمان حبدأ أجربهم معاكم .
shemo

الجمعة، 11 أكتوبر، 2013

نصيحة (1)..ظهور الشعر تحت الجلد .


كلنا بنعانى من مشكلة ظهور الشعر تحت الجلد
وخصوصا وقت ازالة الشعر
انا جربت طريقة بسيطة جدا فى البيت لمعالجة المشكلة دى وقتى
اثناء ازالة الشعر من أى مكان فى الجسم 
بعد أزالة الشعر الظاهر ع الجلد بواسطة الsweet (الحلاوة) او ماكينة أزالة الشعر
اشطفى المكان بمياه وجففيها وأستخدمى فرشاة أسنان قديمة 
فى فرك اماكن ظهور الشعر تحت الجلد حتى يخرج الشعر ..(أفركى برفق) .
___________________

وللتخلص من المشكلة ع مدى ظهور الشعر بعد أزالته 
نتبع الطريقة دى ودى عن تجربة 


المكونات : حناء + سدر
كل ملعقتين حنا مقابلها ملعقه سدر حطيها فعلبه بلاستيك او زجاج لوقت الاستخدام
وناخد شور بميه دافيه وبعدها خذي بطرف ايدك وجسمك مبلول وامسحي ودلكي جسمك كله بيطلع ع جسمك ميه برتقالي وبني متخفيش الحنا مش حتصبغ ع الجلد
واتركيه 3 دقايق وبعدها اغسلى جسمك بميه
وجسمك مبلول خذي ليفه مغربيه وافركي الاماكن الي بيطلع فيها شعر والاماكن السمرا
وشوفي الجلد الميت والبلاوي الي بتطلع منك
حتحسى ان عمرك ما أخدتى شور
استخدميها كل يومين او كل يوم والشعر اما طلع بيطلع طبيعي 

ملاحظة
السدر: دى عشبة عبارة عن ورق اخضر وبيتشرى من عند العطار وبتتطحن .
___________________________________________________
بقلمى shemo



السبت، 28 سبتمبر، 2013

قريبا..عودة جديدة .




ان شاء الله ..حرجع اكتب هنا فى المدونة دى تانى 
استنوا اول بوست قريب ...وكل يوم نصيحة جمالية مهمة ومختلفة 
لكل البنات الى بتابع دايما الجديد فى العناية بشكلها وبشرتها وجمالها .

Shemo

الأحد، 7 ديسمبر، 2008

تهنئة من القلب

السلام عليكم....... معلش انا عارفه ان غيبتى طالت عليكم وملحقتش افدكم اوى بالمدونة من بداية فتحها

........ بس معلش اعزرونى ....... لامتحانات قربت بس اوعدكم انى ان شاء الله بعد الامتحانات انى حفدكم كتير اوى من المدونة دى................بس انا جيه انهارده علشان اعيد عليكم من المدونة كل سنة وانتم بالف صحة وسعادة .......وربنا يعده على الامة الاسلامية باليمن والخير وبالبركات......... لكوا باه لحمة بس اوعى بتتقلوا علشان متتعبوش وابقوا افتكرونى معاكم باى حاجة ماشى هههههههههههههههه........ واستنونى باه بعد الامتحانات
فى المدونة دى ومدونتى الجديدة شبابيك......... اسيبكوا باه علشان تعيدوا ويارب تقضوا وقت سعيد فى العيد وكل سنة وانتم معيدين وفى مصر فرحنين....... ومع الريس على طول زهقنين......... وبالخرفان مضحين.

الخميس، 23 أكتوبر، 2008

جال بخاطرى وشاهدته عينى


السلام عليكم................. معلش اعذرونى انى نزلت موضوع واحد من اول ما فتحف المدونة وكانت غيبتى طويلة شوية بس معلش بداية المدرسة والدراسة باه.......... وان شاء الله حنزل موضوع كل اسبوعين.......... ويا رب باه موجعش دماغكم وزهقكم من بوستاتى .......... حخش فى الموضوع علشان متزهقوش منى .......... البوست الى حتكلم فيه انهارده ممكن يكون فى ظاهرة يرى البعض انه ملهوش علاقه بالموضة والازياء بس الموضوع فى جوهرة يمس الازياء وله علاقة وثيقة كمان بيها .......... واول مجيتلى فكرة البوست دا فكرت فى العنوان دوت............... جال بخاطرى وشاهدته عينى .......... جال بخاطرى وشاهدته عينى حال الشباب فى الوقت الحالى من تفكير ورؤيه للموضةو لللبس ............ كنت بشوف من فترة كبيره اوىىىىىىىىىى طريقة لبس الشباب (ولاد وبنات)والالوان الغبيه الى نزله فى شتاء وصيف السنتين الى فاته وكمان صيف السنادى وشكله كده حيبقى موضة الشتا الى جاى كمان و ربنا يستر .......... بجد شوفت اللبس دا كتير بس اليومين دول جالى حالة استفزاز من الالوان الغبيه الى نزله السوق وبيقولوا عليها موضه .......... وكمان طريقة لبس الصبيان والبنات الى مبقتش تعرف تفرق مبينهم من لبسهم ..................هذكرلكم بعض الالوان دى الى كانت من فتره كده لو حد لبسها كنا بنالس ونعيب عليه زى ..مثلا:.الاصفر مع الاخضر ,الاصفر مع الفوشيا ,الاصفر مع الاحمر...........................طبعا باه مش حقولكم على عروض ازياء الطرح الى فى الشوارع الى هما يعنى بيسموها حجاب .......... دا اساسا مش حجاب دا اسمه هبل عارفين ممكن تلاقى بنت لفه 5 طرح مع بعض ومش كده وبس وكمان بيبقوا ستان..............ولا باه بناطيل البنات (الكراش )الجديدة دى مش كراش وبس دى كمان سقطه يعنى الغرب مش عجبه يبقى الولاد مسقطين بناطيلهم لا وكمان البنات .

نسيبنا باه من البنات ونيجى للولاد الى مبقاش فى فرق مبينهم وبين البنات ..................دول الشباب الى حيحررالقدس ويعمل على نهوض مصر.....................(وقال ايه مصر بتتقدم بينا ........... وكمان وقفة مصريه)ههههههههههههههههه...................... دا طالع تيشيرتات فيها (ترتر)تخيلوا راجل يلبس حاجة فيها (ترتر)وكمان بتلمع ...........وبيبقوا مشيين وفرحنين بالبناطيل الساقطة الى بيبقى باين منها حجات وحشة باه بلاش نوضح اكتر من كده وربنا يستر على شباب المسلمين...........وفرحنين (بالسبايكى )الى هما عملينه فى شعرهم واكنهم متكهربين قبل مينزلوا من البيت .....................يا جماعة انا بتكلم باسلوب استهزاء وهزاروتريقة شويه بس بجد من زهقى ما انا من الشباب دول هم جيلى وانا منهم بس اا بعترض على واقعنا المرير..........يا جماعة مفيش حاجة عدله فى بلدنا ... حتى الذوق بقينا نخده من ناس معندهمش اساسا ذوق .. وهم اوروبا والغرب عوزين يلوثوا افكارنا ويخلونا تابعين ليهم حتى فى ذوقهم .......... بعد ماكنا من اوائل الامم فى الحضارة والتقدم والذوق ........ بس كان زمان يا ريت الزمان يرجع من تانى.........ليه نخضع لفكرهم بننقدهم ونرجع نعمل زيهم ......... وجال بخاطرى وشاهدته عينى ......... رغم كثرة التكنولجيا ووسائل التقدم والثقافةرغم كده اننا مش بنفكر اننا مستقلين لينا عادات وتقاليد مختلفه عنهم وخاصة بينا احنا ........... عارفين انا عملت بحث كده على السريع قبل ما انزل البوست .......... وعرفت ان موضة تسقيط البناطيل دى الى ابتدعوها فى الغر ب هما ......... الشذوش جنسيا .... علشان يكونوا اكثر اختلافا عن باقى الناس ........ وبعد ما حنا باه نعرف كده حنفضل نقلد ونعمل زيهم من غير تفكير ...................يا ريت كل شاب منا يسئل نفسه السؤال دا ............ ويحاول يرد على نفسه : هل حنفضل نعمل زيهم من غير تفكير؟.